Shtator 20th, 2011 Edhe pse u themelua në prill të vitit 2009 dhe filloi punën me 1 Shtator të të njëjtit vit, në testin kombëtar të arritshmërisë për vitin shkollor 2009/2010 mesatarja e pikëve të fituara ishte, 87.66.
Nxënësit Aurela Deshishku dhe Gem Mita fituan më së shumti pikë, 89 .
Në vitin vijues 2010/2011 mesatarja e pikëve ka rënë ndjeshëm nga 87.66 në 77 për shkak të cilësisë së testit, megjithatë kjo mesatare ka mbet dukshëm më e lartë se mesatarja e pikëve në të gjitha shkollat tjera publike dhe private në Kosovë.
Kjo na bën krenar dhe dëshmon përkushtimin e madh të mësimdhënësve dhe udhëheqjes së shkollës për arritjen e objektivave tona.
Viti shkollor 2011/2012 do të paraqet sfidën tjetër të radhës, sepse për herë të parë, nxënësit e shkollës sonë, ata të gjimnazit të shkencave të natyrës dhe ati filologjik, do t’i nënshtrohen testit të maturës.
Ne do të vazhdojmë me ngulm realizimin e pritshmërive të projektuara në çdo lëndë mësimore dhe ngritjen e performancës së mësimdhënësve në mënyrë që të dëshmojmë bindshëm rolin e liderit në arsimin parauniversitar.
